CCXLVIII.

1360, December 14. Kamenz.

Peter Santkonis vermacht unter Zustimmung seiner Erben dem Stifte Schlottendorf und den Wald Neydek.

(I)n nomine domini amen. Nos Petrus Santkonis tenore presencium evo tempore valituro ad omnium, quibus nosse fuerit oportunum, deducimus nocionem, quod considerantes salutem anime nostre sincerumque favorem religiosorum virorum dominorum . . abbatis et . . conventus monasterii Camencz ordinis Cyst. Wrat. dyocesis cupientesque ipsis, quantum adiutorio possumus divino, de periculis successu temporis imminentibus precavere, proinde, ne aliquis heredum nostrorum vel successorum pro aliquibus hereditatibus, censibus, redditibus, specialiter Slawatyndorf et silva Neydek eorumque pertinenciis et usufructibus universis racione devolucionis vel hereditarie successionis prefatos dominos . . abbatem et . . conventum arrestare vel inpetere valeat quoquomodo seu attemptetur, prenominatam villam cum silva Neydek eorum et attinenciis omnibus et singulis hactenus per nos perceptis, habitis et possessis, necnon uti debere frui et possidere ad tempora dumtaxat nostre vite ex nunc, prehabita deliberacione matura cum bona mentis et corporis valetudine et usu racionis, eisdem dominis . . abbati et . . conventui nomine veri et perpetui testamenti resignamus per eosdem deinceps perpetuis temporibus cum omni usufructuario habendum, tenendum et possidendum, profitentes ad predictam villam et silvam pronunc facta alienacione omnimoda nullum amplius debere habere ius vel respectum. Huic resignacioni et alienacioni assistebant nobis dilecti filii nostri et heredes Rudigerus, Petrus et Phylippus compromittendo domino Andree protunc abbati nomine sui ipsiusque conventus nomine huiusmodi resignacionem et alienacionem fuisse et esse factas de unanimi consensu eorum et bona voluntate; fatemur insuper eandem resignacionem et alienacionem publicatam et repetitam fuisse in domo nostra in civitate Paczkow in presencia honorabilium virorum, videlicet: domini Johannis de Bebyrsteyn generi nostri, Theoderici Runge, Peczkonis Eyke, Johannis Longi et Petri Longi civium in Paczkow et domini Conradi quondam magistri scole in Frankensteyn, quorum sigilla presentibus sunt appensa; presentibus protunc et omnia dicta et facta consencientibus dilectis filiis et heredibus nostris, videlicet Rudigero et Philippo, qui una nobiscum pro consensu aliorum iiliorum vel coheredum nostrorum, videlicet Petro et Otthone absentibus, Johanne et Nycolao nondum annos discrecionis habentibus, promiserunt domino Andree abbati sepedicto. Ut autem talis resignacio et alienacio ex omni parte in suo vigore permaneat perpetuisque temporibus perseveret, nos Petrus Santkonis cum prenominatis filiis nostris et heredibus, videlicet Rudigero, Petro et Phylyppo nominibus nostris et nominibus coheredum nostrorum, videlicet Otthone absente, Johanne et Nycolao nondum annos discrecionis habentibus, renuncciamus simpliciter et expresse sine omni dolo, circumvencione seu fucato colore, quo ad predictam villam et silvam omnibus arrestacionibus, repeticionibus, inpugnacionibus, quas erga dominos sepedictos . . abbatem videlicet et conventum et suos successores movere, facere vel per quempiam nostrum procurare possemus occasionibus quibuscunque, hec omnia premissa et singula coram quibuscunque personis ad maiorem efficaciam secundum, quod necessitas et beneplacitum domini . . abbatis et conventus exigerit manifestare, repetere, fateri et publicare pollicemur. In cuius rei testimonium et evidenciam pleniorem sigilla nostra eum sigillis honorabilium virorum prenominatorum presentibus sunt appensa. Datum Camencz secunda feria post dominicam adventus domini, qua "Gaudete in domino" cantatur misse pro introitu anno domini millesimo trecentesimo sexagesimo.

Or. Perg. Liniert. An Pergamentstreifen hängen die wohlerhaltenen Siegel des Peter Santkonis und seiner Söhne Rüdiger, Peter, Otto und Philipp (sämmtlich einen en face gestellten, mit Büffelhörnern verzierten Helm führend, mit entsprechenden Umschriften; nur Rüdiger hat abweichend von den Uebrigen: Sandkonis für Santkonis), des Joh. von Biberstein (Hirschhorn; vgl. Pfotenhauer, Siegel S. 25 und 34), des Dietrich Runge (eine nach unten gestellter Pflugschaar; Umschrift: † S. DYTHERICI . RVNGE.) und des Peter Eyke (Helm mit Stäbchen und Federn (?) besteckt; Umschrift: S. PETRI . EYKEN.) Ein neuntes S. fehlt jetzt. Auf der Rückseite der Urkunde steht von alter Hand geschrieben: Super Slawotyndorf et Neydek silva, cessio domini Petri Santkonis. Frömrich S. 83.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.